Першае школьнае свята «Мы школьнікі!»
Першае школьнае свята «Мы школьнікі!» - урачысты, важны і радасны дзень! Школа цяпер для вучняў стала другім домам, дзе яны вучацца грамаце, знойдуць шмат новых сяброў. Каб атрымаць пачэснае званне “ВУЧАНЬ”, "ВУЧАНІЦА" першакласнікі старанна працавалі цэлы месяц. Для першакласнікаў былі падрыхтаваны невялікія выпрабаванні. А дапамагалі ім казачныя героі. Хлопчыкі называлі правілы паводзін для вучняў, адгадвалі загадкі, выпраўлялі памылкі. Кульмінацыйным момантам стала вымаўленне першакласнікамі клятвы, пад час якой яны паабяцалі вучыцца толькі добра, быць сабранымі і адказнымі, старацца прыгожа пісаць і хутка чытаць, ніколі не спрачацца з сябрамі. Пасля гэтага кожнаму асабіста класны кіраўнік уручыла іх першы падручнік-Буквар. Поспехаў вам, мае маленькія сябры ў Краіне Ведаў!
